ویسٹ مینجمنٹ کرپشن کیس: نیب دا وڈا ایکشن، سینئر بیورو کریٹ وسیم اجمل گرفتار

لہور: نیب نے لہور ویسٹ مینجمنٹ کرپشن وچ سینئر بیورو کریٹ وسیم اجمل نوں گرفتار کرل یا۔ وسیلیاں دے مطابق گریڈ 20دے افسر وسیم اجمل نوں نیب لہور نے اوہناں دی رہائش گاہ توں گرفتار کیتا، وسیم اجمل تے حکومتی خزانہ نوں اک ارب دا نقصان اپڑان دا الزام اے۔ ذرائع دا کہنا اے وسیم اجمل نے خاکروب دی بھرتیاں تے اک ارب روپے توں ودھ دیاں ادائیگیاں کروائیاں۔ نیب ذرائع دے مطابق وسیم اجمل نے 2014وچ میسرز البیراک نوں ویسٹ مینجمنٹ دا انتہائی مہنگے ریٹ تے ٹھیکہ دتا، وسیم اجمل نے جعلی ایگزیمپشن دے طور تے 96ہزار امریکی ڈالرز دی چھوٹ وی دتی۔ وسیم اجمل نے کمپنی سیکرٹری دی پوسٹ تے غیر قنونی بھرتی وچ وی کلیدی کردار ادا کیتا۔ وسیم اجمل نوں جسمانی ریمانڈ حاصل کرن لئی احتساب عدالت لہور وچ پیش کیتا جاوے گا۔ واضح رہوے وسیم اجمل نوں ایس توں پہلاں صاف پانی کمپنی سکینڈل وچ وی گرفتار کیتا گیا سی۔