مسلم لیگ (ن) دے اہم رہنما ق لیگ وچ شامل، لیگی قیادت تے پورے اعتماد دا اظہار

لہور: مسلم لیگ (ن) دے گجرات توں قومی اسمبلی دے ٹکٹ ہولڈر چودھری تنویر احمد گوندل ساتھیاں سنے مسلم لیگ (ق) وچ شامل ہو گئے نیں۔

چودھری تنویر گوندل نے دو واری چودھری وجاہت حسین دے مقابلے وچ قومی اسمبلی دا الیکشن لڑیا سی۔

ایہناں دے علاوہ صوبائی اسمبلی دے ٹکٹ ہولڈر چودھری بشیر گوندل وی مسلم لیگ (ق) وچ شامل ہو گئے نیں۔ دوواں رہنماواں نے ق لیگی قیادت تے اعتماد دا اظہار کردیاں آکھیا اے سیاسی جوڑ توڑ وچ ہور سرپرائز دیواں گے۔

سپیکر پنجاب اسمبلی چودھری پرویز الٰہی نے ایس موقع تے دعویٰ کیتا مسلم لیگ (ن) دے ہور وی سیاسی لیڈر رابطے وچ نیں۔

بلدیاتی انتخاب وچ نویں ساتھیاں نوں اہم عہدیاں تے لیاواں گے۔

دوجے پاسے چودھری پرویز الٰہی نے کرونا وائرس توں بچاؤ لئی اجتماعی دعا دی اپیل کردیاں آکھیا اے علمائے کرام کورونا دی عالمی وباء توں محفوظ رہن لئی اجتماعی دعاواں دا اہتمام کرن۔