دفتر خارجہ وچ سارے واک ان تے قونصلر سروسز معطل

اسلام آباد: کورونا وائرس دے خدشے دے پیش نظر دفتر خارجہ وچ ساری واک ان سروسز معطل کر دتیاں۔

ترجمان دفتر خارجہ عائشہ فاروقی دے مطابق ساری واک ان سروسز تے قونصلر سروسز وی 18مارچ توں 3اپریل تک معطل رہن گیاں پر ایس دوران دستاویزات دی تصدیق دا عمل کوریئر کمپنی دے راہیں جاری رہوے گا۔

ترجمان دفتر خارجہ دا کہنا سی ایس دوران سپیشل سیل ڈپلومیٹک کور تے بیرون ملک پاکستانی مشنز دے نال رابطے وچ رہوے گا۔

ترجمان نے دسیا حفاظتی انتظامات دے تحت وزارت خارجہ وچ کورونا وائرس دے حوالے نال سپیشل سیل وی قائم کر دتا گیا اے۔