کرونا وائرس توں بچاؤ: سینیٹ ملازماں نوں 3اپریل تک چھٹیاں دے دتیاں

اسلام آباد: چیئرمین سینیٹ دی ہدایت تے کرونا وائرس توں بچاؤ دے اقدامات ہور سخت کردیاں 50ورھے توں ودھ عمر تے بیمار ملازماں نوں 3اپریل تک چھٹیاں دے دتیاں۔ سارے سینیٹ ملازماں لئی چیئرمین صادق سنجرانی دا نواں حکم نا مہ جاری کر دتا گیا۔

سینیٹ ملازماں نوں 3اپریل تک نویں ہدایات تے فوری عمل کرن دی ہدایت کیتی گئی اے۔ ایڈیشنل، جوائنٹ تے ڈپٹی سیکرٹریاں نوں وی متبادل ڈیوٹیاں کرن دی ہدایت کیتی گئی اے۔ ایوان بالا دی خواتین ملازمین نوں وی دفتر آن توں چھوٹ مل گئی۔

چیئرمین، ڈپٹی چیئرمین تے سکیورٹی دے دفتر معمول دے مطابق کم کردے رہن گے۔ سینیٹ سیکرٹریٹ دے اوقات کار وچ وی تبدیلی کر دتی گئی، سینیٹ آفس دے ملازمین 9توں 2وجے تک ڈیوٹی سرانجام دین گے۔

اپنا تبصرہ گھلو