پنجاب حکومت دا کورونا دے مریضاں دا آئن لائن چیک اپ کرن دا منصوبہ

لہور: پنجاب حکومت نے کورونا دے مریضاں دے ہسپتالاں دی بجائے گھراں وچ چیک اپ کرن دی منصوبہ بندی کیتی اے۔

گورنر پنجاب چودھری سرور نے دسیا کورونا ٹیلی میڈیسن تے ہیلپ لائن اج توں لہور وچ کم شروع کر دیوے گی جہدے تحت گھر بیٹھے کورونا مریضاں دا آئن لائن طریقے نال فوری چیک اپ ہووے گا۔

گورنر پنجاب آکھیا ہیلپ لائن دے ذریعے کورونا توں متاثرہ بندیاں دی بھرپور مدد وی کیتی جاوے گی۔ واضح رہوے پاکستان وچ وی کورونا وائرس دے مریضاں دی تعداد وچ تیزی نال وادھا ہو رہیا اے تے چاراں صوبیاں سنے گلگت بلتستان و آزاد کشمیر وچ کورونا دے کیسز ساہمنے آ چکے نیں۔