وزیراعظم نے جھوٹھ بولیا، اوہناں کول کورونا نال مقابلے لئی اہلیت و صلاحیت نہیں: مریم اورنگزیب

اپوزیشن جماعت مسلم لیگ (ن) دا کہنا اے وزیراعظم عمران خان نے قوم نال خطاب وچ صرف جھوٹھ بولیا اے کیوں جے اوہناں دے کول کورونا نال مقابلے لئی اہلیت تے صلاحیت نہیں اے۔ پچھلے رات وزیراعظم عمران خان نے کورونا وائرس بارے اقدامات تے قوم نال خطاب کیتا جہدے وچ اوہناں دا کہنا سی کورونا وائرس نوں پھیلنا اے، عوام احتیاط کرن، تسیں گھبرانا نہیں اے۔

ایس حوالے نال ترجمان مسلم لیگ (ن) مریم اورنگزیب آکھیا عمران صاحب نے ہمیشہ دی طرح قوم نال خطاب وچ جھوٹھ، جھوٹھ تے جھوٹھ بولیا، عمران صاحب دا قوم نوں پیغام ”گھبرانا نہیں اے” ایس لئی اے کیوں جے حکومت دی کوئی تیاری نہیں اے۔

لیگی ترجمان آکھیا وزیراعظم نے کجھ نہیں دسیا کورونا نال نبڑن لئی کناں فنڈ مختص کیتا اے، حکومت دی کیہ تیار ی اے؟ خطاب نے ثابت کر دتا کورونا نا ل مقابلے لئی تہاڈے کول واقعی کوئی اہلیت تے صلاحیت نہیں۔