مولانا ناصر مدنی تے تشدد کرن والے چار ملزم گرفتار، اسلحہ برآمد

لہور: پلس نے مولانا ناصر مدنی نوں اغوا تے تشدد دا نشانہ بنان والے چار ملزماں نوں گرفتار کرکے اوہناں دے قبضے توں اسلحہ برآمد کر لیا اے۔ وسیلیاں دے مطابق ملزماں نوں گجرات توں گرفتار کیتا گیا اے۔

ملزماں نے مولانا ناصر نوں سوشل میڈیا تے ویڈیو اپ لوڈ کرن تے اغوا تے تشدد دا نشانہ بنایا سی۔ ملزماں نوں گجرات توں لہور منتقل کیتا جا رہیا اے۔ گرفتار ملزماں نے مولانا ناصر مدنی نوں کھاریاں وچ مدعو کیتا سی۔

اوہناں نوں سی سی ٹی وی فوٹیج دی مدد نال شناخت دے بعد گرفتار کیتا گیا۔ پلس ذرائع دا کہنا اے گرفتار ملزماں وچ غلام ربانی، علی عباسی، ناظم حسین تے آصف اقبال شامل نیں۔

ملزماں دے قبضہ توں کلاشنکوف، رائفل تے پسٹل سنے چوکھی تعداد وچ گولیاں وی برآمد ہوئیاں نیں۔ پچھلی رات ملزماں دے خلاف تھانہ مزنگ لہور وچ مقدمہ درج ہویا سی۔

اپنا تبصرہ گھلو