قرنطینہ سینٹراں وچ سہولتاں دے معیار تے کوئی سمجھوتہ نہ کیتا جاوے: وزیراعظم

ڈیرہ غازی خان: وزیراعظم عمران خان نے ہدایت کیتی اے کورونا وائرس دے خطرات دے پیش نظر قرنطینہ سنٹراں وچ سہولتاں دے معیار تے کوئی سمجھوتہ نہ کیتا جاوے۔

تفصیل دے مطابق ڈیرہ غازی خان وچ وزیراعظم عمران خان دی زیر صدارت اجلاس ہویا جہدے وچ کورونا وائرس نال نبڑن لئی اقدامات تے غور کیتا گیا۔

اجلاس وچ پنجاب وچ قرنطینہ سنٹراں وچ سہولتاں بارے بریفنگ جد کہ بیرون ملک توں آن والے بندیاں دے کرونا ٹیسٹ دے انتظامات تے گل کیتی گئی۔

وزیراعظم عمران خان دا اجلاس نال خطاب وچ کہنا سی سارے ادارے تے افسران اپنی خدمات لوکاں لئی وقف کر دین۔

قرنطینہ سنٹراں وچ سہولتاں دے معیار تے کوئی سمجھوتہ نہ کیتا جاوے۔ ایس اہم اجلاس وچ وزیراعلیٰ عثمان بزدار، معاون خصوصی صحت، چیئرمین این ڈی ایم اے تے چیف سیکرٹری پنجاب سنے اہم حکام نے رلت کیتی۔