شمالی وزیرستان وچ آپریشن، اک افسر سنے 4جوان شہید، 7دہشتگرد ہلاک

راولپنڈی: سکیورٹی فورسز ولوں شمالی وزیرستان دے علاقے دتہ خیل وچ خفیہ اطلاع تے آپریشن کیتا گیا۔ آپریشن دے دوران فورسز نے علاقے نوں گھیرے وچ لیا تے دہشت گرداں نے فائرنگ کر دتی۔

پاک فوج دے شعبہ تعلقات عامہ (آئی ایس پی آر) دے مطابق شمالی وزیرستان دے علاقے دتہ خیل وچ سکیورٹی فورسز دے آپریشن دے دوران فائرنگ دے تبادلے وچ اک افسر سنے 4جوان شہید جد کہ 7دہشت گرد ہلاک ہو گئے نیں۔

فائرنگ دے تبادلے وچ اک جوان زخمی وی ہویا۔ سکیورٹی فورسز نے ایہ آپریشن دہشت گرداں دے خفیہ ٹھکانے تے کیتا سی۔

آپریشن دے دوران فورسز نے علاقے نوں گھیرے وچ لیا تے دہشت گرداں نے فائرنگ شروع کر دتی۔

آئی ایس پی آر دے مطابق شہید ہون والیاں وچ لہور دے رہائشی لیفٹیننٹ آغا مقدس علی خان، حوالدار قمر ندیم، سپاہی قاسم تے سپاہی توصیف شامل نیں۔

سکیورٹی فورسز نے کامیاب آپریشن دے دوران دہشت گرداں دے ٹھکانے توں چوکھی تعداد وچ بارودی سرنگاں، گولہ بارود تے اسلحہ برآمد کر لیا اے۔

اپنا تبصرہ گھلو