ان شاء اللہ پاکستان کورونا وائرس دے خلاف جنگ جتے گا: وزیراعظم عمران خان

اسلام آباد: وزیراعظم آکھیا اے کورونا توں خوف دی نہیں صرف احتیاط دی لوڑ اے، ان شاء اللہ پاکستان کورونا وائرس دے خلاف جنگ جتے گا۔

وزیراعظم نال سابق وزیر قنون بابر اعوان نے ملاقات کیتی اے جہدے وچ کورونا وائرس تے ایہدے تے قابو پان دے حوالے نال اقدامات تے گل بات کیتی گئی۔

ایس موقع تے عمران خان دا کہنا سی کورونا وائرس تے کنٹرول دے حوالے نال چین دا تعاون قابل ستائش اے، چین دی کورونا وائرس دی روک تھام لئی معاونت نوں فراموش نہیں کر سکدے، پاکستانی بطور قوم متحد ہو کے وائرس نوں شکست دین گے، وائرس دے اثرات دے تناظر وچ عالمی اداریاں نوں اعتماد وچ لیا جا رہیا اے، کورونا دے حوالے نال سارے اقدامات دی آپ نگرانی کر رہیا آں، عوام نوں ریلیف اپڑان لئی سارے وسائل نوں بروئے کار لیایا جاوے گا۔

بابر اعوان دا کہنا سی قوم نوں عمران خان دی قیادت تے فخر اے۔

ویلے سر حکومتی اقدامات قابل ستائش نیں، کورونا دے حوالے نال وزیراعظم دا قائدانہ کردار قابل تعریف اے، وزیراعظم ہر اوکھے ویلے وچ قوم دی توقعات تے پورا اترے، عام بندے دی فلاح و بہبود دے حوالے نال حکومتی کوششاں قابل تعریف نیں۔