بلوچستان وچ کورونا وائرس دے ہور 22کیسز ساہمنے آ گئے، متاثرین دی تعداد 45ہو گئی

کوئٹہ: بلوچستان وچ کورونا وائرس توں متاثرہ بندیاں دی تعداد 45ہو گئی، ہور 22کیسز ساہمنے آ گئے۔ متاثرہ بندیاں نوں آئسولیشن وارڈ وچ منتقل کیتا گیا اے۔

ترجمان حکومت بلوچستان لیاقت شاہوانی دے مطابق کوئٹہ قرنطینہ وچ مقیم 252بندیاں دی ٹیسٹ رپورٹ آ گئی جہناں وچ ہور 22بندیاں وچ کورونا وائرس دی تصدیق ہو گئی۔

بلوچستان وچ 23بندیاں دی ٹیسٹ رپورٹ وچ کورونا وائرس دی تصدیق ہو گئی سی پر اج آن والی رپورٹ دے بعد بلوچستان وچ وائرس وچ مبتلا بندیاں دی تعداد 45ہو گئی اے۔

متاثرہ مریضاں نوں علاج معالجے دی ساری سہولتاں فراہم کیتی جا رہیاں نیں جد کہ دوجے بندیاں نوں دوبارہ قرنطینہ سنٹر منتقل کیتا گیا جتھے 24گھنٹیاں دے بعد اوہناں دے دوبارہ ٹیسٹ لئے جان گے۔