ن لیگ پنجاب دا اہم اجلاس، منحرف لیگی ارکان دے جوابات غیر تسلی بخش قرار

لہور: مسلم لیگ (ن) پنجاب دی ایڈوائزری کمیٹی دے اجلاس وچ سارے منحرف لیگی ارکان دے جوابات نوں غیر تسلی بخش قرار دے دتا۔

نشاط ڈاہا، اشرف انصاری تے غیاث الدین دے خلاف ریفرنس تے قنونی چارہ جوئی دا فیصلہ کیتا گیا اے۔

مسلم لیگ (ن) دا اہم اجلاس پنجاب دے صدر رانا ثناء دی زیر صدارت ہویا جہدے وچ کورونا وائرس بارے حکومتی اقدامات نکافی قرار دیندیاں تشویش دا اظہار کیتا گیا۔

حمزہ شہباز تے احد چیمہ دے خلاف مبینہ انتقامی کاروائیاں دی مذمت کردیاں اوہناں دی فوری رہائی دا مطالبہ وی کیتا گیا۔

ایڈوائزری کمیٹی نے نشاط ڈاہا، اشرف انصاری تے غیاث الدین دے خلاف ریفرنس تے قنونی چارہ جوئی تے دوجے منحرف ارکان نوں ڈسپلنری کمیٹی وچ بلان دا فیصلہ کیتا اے۔