اوکھے حالات وچ وزیراعظم دا وڈا فیصلہ، پاک افغان چمن بارڈر کھولن دا حکم

اسلام آباد: وزیراعظم عمران خان نے پاکستان تے افغانستان وچکار چمن بارڈر فوری طور تے کھولن دی ہدایت کر دتی اے۔

سماجی رابطیاں دی ویب سائٹ تے جاری اپنے بیان وچ وزیراعظم عمران خان آکھیا کرونا وائرس جہی عالمی وباء پھٹن دے باوجود اسیں اپنے افغان بھراواں تے بھیناں دی مدد لئی پوری طرح یکسو تے پرعزم آں۔

افغان عوام دی مشکلاں دا ادراک کردیاں وزیراعظم آکھیا چمن سپن بولدک سرحد کھولن تے ٹرکاں نوں افغانستان وچ داخلے دی اجازت دین دی ہدایات دتی اے، بحرانی کیفیت وچ اسیں پوری ثابت قدمی نال افغانستان دے نال کھڑے آں۔