کرونا وائرس نال دنیا بھر وچ ہلاکتاں دی تعداد10ہزار توں ودھ گئیاں

دنیا بھر وچ کورونا وائرس نال 10ہزار توں ودھ بندے زندگی دی باز ہار چکے نیں جد کہ متاثرین دی تعداد 2لکھ 45ہزار 600توں ودھ اے۔

کرونا وائرس دی وجہ توں دنیا بھر وچ ہلاکتاں دی تعداد 10ہزار توں ودھ گئی اے جد کہ 2لکھ 45ہزار 600توں ودھ بندے وائرس توں متاثر نیں، سب توں ودھ موتاں اٹلی وچ ہوئیاں نیں، جتھے 3405بندیاں دی ہلاکت دی تصدیق کیتی جا چکی اے جو چین توں وی ودھ اے جد کہ اٹلی وچ 41,035بندے کورونا وائرس توں متاثر ہو چکے نیں پر چین وچ مسلسل دوجے دیہاڑ وائرس دا کوئی کیس رپورٹ نہیں ہویا اے۔

امریکی ریاست کیلیفورنیا وچ شہریاں نوں گھراں وچ رہن دا حکم دے دتا گیا، امریکا وچ کرونا وائرس نال ہلاکتاں دی تعداد 218جد کہ متاثرہ بندے 14ہزار 322نیں۔ امریکی اسٹیٹ ڈیپارٹمنٹ نے دنیا بھر وچ سفر نہ کرن دی ایڈوائزری جاری کر دتی اے۔

ارجنٹائن وچ وی مکمل لاک ڈاؤن کر دتا گیا اے جد کہ اردن وچ فوج نے دارالحکومت دا کنٹرول سنبھال لیا۔ آسٹریلوی بینکاں نے 57بلین ڈالرز دے لون ریلیف پیکیج دا اعلان کیتا اے۔

اپنا تبصرہ گھلو