عمران خان ولوں پچھلے سارے طیارہ حادثیاں دی رپورٹ پبلک کرن دا فیصلہ

اسلام آباد: وزیراعظم ولوں گزرے سارے طیارہ حادثات دی تحقیقاتی رپورٹ نوں پبلک کرن دا فیصلہ کرلیا۔ وزیر اعظم دی زیر صدارت کراچی طیارہ حادثہ تے اہم اجلاس ہویا جس وچ عمران خان نوں طیارہ حادثہ دی ابتدائی تحقیقاتی رپورٹ تے بریفنگ دتی گئی۔ وزیر اعظم نے کراچی طیارہ حادثہ دی تحقیقات جلد مکمل کرن دی ہدایت دتی۔

ذرائع دے مطابق وزیر اعظم نے سول ایوی ایشن حکام تے برہمی دا اظہار کردے ہوئے آکھیا ماضی وچ کسی طیارہ حادثہ تحقیقاتی رپورٹ نوں پبلک کیوں نہیں کیتا گیا، جنہاں دے پیارے جاں بحق ہوئے انہاں نوں وجوہات جانن دا حق اے، پی ٹی آئی حکومت شفافیت تے یقین رکھدی اے، طیارہ حادثات نوں کئی سال گزر گئے مگر تحقیقاتی رپورٹس سامنے کیوں نہیں آئی، سارے طیارہ حادثات دی تحقیقاتی رپورٹس نوں پبلک کیتا جاوے۔وزیر اعظم نے آکھیا رپورٹس پبلک ہوں گی تو آئندہ لئی موثر اقدامات ہو سکن گے۔ سول ایوی ایشن حکام نے دسیا کہ جنید جمشید طیارہ حادثہ رپورٹ جولائی وچ پبلک کر دتی جاوے گی۔