کورونا دا پھیلائو تیز، اک ہی دن وچ 36 افراد جاں بحق، 61 ہزار 227 متاثر

لہور:پاکستان وچ کورونا دے متاثرین تیزی نال ودھن لگے، ملک بھر وچ کورونا دے تصدیق شدہ کیسز دی تعداد 61 ہزار 227 تک پہنچ گئی جدکہ اک دن وچ 36 افراد جاں بحق ہوگئے جس دے بعد موتاں دی تعداد اک ہزار 260 ہوگئی۔نیشنل کمانڈ اینڈ آپریشن سینٹر دے تازہ ترین اعدادوشمار دے مطابق گذرے 24 گھنٹیاں دے دوران 2076 نئے کیسز رپورٹ ہوئے، پنجاب وچ 22 ہزار 37، سندھ وچ 24 ہزار 206، خیبر پختونخوا وچ 8 ہزار 483، بلوچستان وچ 3 ہزار 616، گلگت بلتستان وچ 651، اسلام آباد وچ 2 ہزار 15 جدکہ آزاد کشمیر وچ 219 کیسز رپورٹ ہوئے۔ملک بھر وچ ہن تک 5 لکھ 8 ہزار 86 افراد دے ٹیسٹ کیتے گئے، گذرے 24 گھنٹیاں دے دوران 8 ہزار 491 نوے ٹیسٹ کیتے گئے، ہن تک 20 ہزار 231 مریض صحتیاب ہوچکے نیں جدکہ کئی مریضاں دی حالت تشویشناک اے۔پاکستان وچ کورونا توں اک دن وچ 36 افراد جاں بحق ہوگئے جس دے بعد وائرس توں مرن والیاں دی تعداد اک ہزار 260 ہوگئی۔ سندھ وچ 380، پنجاب وچ 381، خیبر پختونخوا وچ 425، گلگت بلتستان وچ 9، بلوچستان وچ 41 تے اسلام آباد وچ 19 مریض جان توں ہتھ دھو بیٹھے۔ ہن تک 462 ہسپتالاں وچ قائم قرنطینہ مراکز مریضاں دا علاج جاری اے، انہاں ہسپتالاں وچ 7295 بیڈز دا بندوبست کیتا گیا اے۔