سوشل میڈیا تے شرمندگی، بھارتی پولیس نے پاکستانی کبوتر چھڈ دتا

لہور: سوشل میڈیا تے سخت تنقید تے سبکی دے بعد بھارتی پولیس نے دو دن قبل پھڑے جان والے پاکستانی مبینہ جاسوس کبوتر نوں آزاد کر دتا۔مقبوضہ جموں و کشمیر دے علاقہ کاتھوا دے سینئر پولیس سپرنٹنڈنٹ شالیندر کمار نے اس گل دی تصدیق کیتی کہ دو دن قبل پھرتے جان والے پاکستانی کبوتر نوں چھڈ دتا گیا۔

بھارتی پولیس نے دعوی کیتا سی کہ ایہ جاسوس کبوتر اے جس دے پنجیاں وچ پائے گئے پلاسٹک دے چھلے تے اک موبائل نمبر لکھیا سی جینوں بھارتی پولیس نے اک خفیہ کوڈ دسیا سی۔