عوام کورونا نوں شکست دین لئی قواعد وضوابط دی پابندی کرن، شبلی فراز

اسلام آباد: وزیر اطلاعات سینیٹر شبلی فراز نے عوام تے زور دتا اے کہ اوہ کورونا وائرس نوں شکست دین تے ملک دی معیشت نوں چلان لئی قواعد وضوابط تے سختی نال عمل کرن۔

جمعرات دے دن اسلام آباد وچ اک نیوز کانفرنس نال خطاب کردے ہوئے انہاں نے آکھیا کہ حکومت سارے بحراناں نال نبڑن لئی پوری طرح تیار اے تے پاکستان وزیراعظم عمران خان دی ولولہ انگیز قیادت وچ بہت جلد مشکل دور نال نکل آئے گا۔وزیر اطلاعات نے آکھیا کہ کورنا وائرس توں نبڑن دے حوالے نال ساڈی حکمت عملی درست سمت وچ جاری اے کیونکہ حکومت نے اس وبا توں منظم انداز وچ نمٹ رہی اے۔انہاں نے آکھیاکہ حکومت کورونا وائرس توں پیداہون والی صورتحال دا روزانہ دی بنیاد تے جائزہ لے رہی اے تے اس توں موثر انداز وچ نبڑن لئی بھرپور اقدامات کر رہی اے۔

سینیٹر شبلی فراز نے آکھیا کہ حکومت ٹڈی دل دے خاتمے لئی وی سارے ممکنہ اقدامات کر رہی اے۔