کوہلی دی عزت ضرور کرنا آں پر خوفزدہ نہیں ہوندا: نسیم شاہ

کراچی: نوجوان پاکستانی فاسٹ بولر نسیم شاہ آکھیا اے میں ویرات کوہلی دی عزت ضرور کرنا آں پراوہناںتوں خوفزدہ نہیں ہوندا۔

اک برطانوی ویب سائٹ نوں انٹرویو وچ نسیم شاہ آکھیا پاک بھارت میچز بہت ای خاص تے ایہ کسے نوں وی ہیرو یا ولن بنا سکدے نیں، میں وی روایتی حریف دے خلاف کھیڈن دا منتظر آں، جدوں وی موقع ملیا اپنے شائقین نوں مایوس نہیں کراں گا۔

اوہناں آکھیا جتھوں تک ویرات کوہلی دا سوال اے تے میں اوہناں دی عزت کرنا آں پر خوفزدہ نہیں، ہمیشہ ای چنگے بیٹسمین نوں بولنگ بڑا چیلنج پر ایہدے توں تہاڈا کھیڈ وی ہور بہتر ہوندا اے، ایسے لئی میں کوہلی تے بھارت دے خلاف کھیڈن دا شدت نال منتظر آں۔