شہباز شریف دے خلاف اک الزام وی ثابت نہیں ہویا: شاہد خاقان عباسی

لہور: ن لیگی رہنما شاہد خاقان عباسی آکھیا اے سرکار تے نیب دی بدنیتی عوام دے ساہمنے آ گئی۔ شہباز شریف دے خلاف اک الزام وی ثابت نہیں ہویا۔

لہور وچ پریس کانفرنس دے دوران لیگی رہنما شاہد خاقان عباسی دا کہنا سی کہ 56کمپنیاں، صاف پانی تے آشیانہ کیس دا کیہ بنیا۔

عوام وچ رہن والے بندے دی تفتیش وی عوام دے ساہمنے ہونی چاہیدی اے۔

اوہناں آکھیا 20مہینے توں شہباز شریف نیب نوں سارے سوالاں دا جواب دے رہے نیں، 70دن شہباز شریف نیب دے ریمانڈ تے ایہدے بعد جوڈیشل کسٹڈی وچ رہے، کیمرے دے ساہمنے تفتیش کرن تاں جے دودھ دا دودھ تے پانی دا پانی ہو جاوے۔