جعلی اکائوٹس کیس: نیب راولپنڈی نے وزیراعلیٰ سندھ مراد نوں اج طلب کر لیا

راولپنڈی: نیب نے وزیراعلیٰ سندھ مراد علی شاہ نوں اج طلب کر لیا۔ سندھ وچ سولر لائٹس دا ٹھیکہ لین والی کمپنی دے 2ڈائریکٹراں نے پلی بارگین کر لئی۔

قومی احتساب بیورو دے راولپنڈی دفتر توں وزیراعلیٰ سندھ دی طلبی دے سمن جاری کر دتے گئے۔

مراد علی شاہ نوں جعلی اکائونٹس تے سندھ روشن منصوبے وچ بے ضابطگیاں بارے تحقیقات وچ پوچھ گچھ لئی طلب کیتا گیا اے۔

سولر لائٹس کیس وچ ڈائریکٹرز جعفر تے عزیر تحسین نے اعتراف جرم کر لیا۔ دوواں ڈائریکٹراں نے لٹے گئے 21کروڑ روپے واپس قومی خزانے وچ جمع کرا دتے۔

اودھرمراد علی شاہ دی پیشی دے حوالے نال نیب نے ضلعی انتظامیہ تے پلس توں سکیورٹی وی طلب کر لئی۔ چیف کمشنر اسلام آباد نوں خط وچ نیب نے سکیورٹی نوں یقینی بنان دی عرضی کیتی اے۔