حکومت پنجاب نے کورونا وائرس دے خدشے دے پیش نظر بند کیتے گئے لہور دے پارکس نوں کھولن دا اعلان کر دتا۔

ڈی جی پنجاب ہارٹی کلچر اتھارٹی دے مطابق عوام صبح 6توں رات 9وجے تک ایس او پیز دے مطابق پارکس جا سکن گے۔

پنجاب ہارٹی کلچر اتھارٹی دے حکام مطابق پارکس آن والیاں لئی ماسک تے گلوز پانا لازمی ہووے گا۔ پنجاب حکومت دے مطابق پارکس وچ بالاں دے جھولیاں نوں بند رکھیا جاوے گا تے ایس او پی دی خلاف ورزی کرن والیاں نوں پارکس توں کڈھ دتا جاوے گا۔

خیال رہوے کہ کجھ دن پہلاں محکمہ صحت پنجاب ولوں وزیراعلیٰ پنجاب نوں گھلی گئی سمری وچ انکشاف ہویا سی کہ لہور وچ کورونا توں متاثری مریضاں دی تعداد 6لکھ 70ہزار توں ودھ ہو سکدی اے۔

اپنا تبصرہ گھلو