ن لیگ دے استعفیاں دا معاملہ، سپیکر پنجاب اسمبلی دی سربراہی وچ کمیٹی قائم

لہور: مسلم لیگ ن دے ارکان پنجاب اسمبلی دی قائمہ کمیٹیاں توں مستعفی ہون دا معاملہ، سپیکر چودھری اپنی سربراہی وچ 7رکنی خصوصی کمیٹی بنا دتی۔ پرویز الٰہی استعفیاں دی واپسی دے میدان وچ آ گئے،

سپیکر چودھری پرویز الٰہی دی سربراہی وچ قائم 7رکنی پارلیمانی کمیٹی اپوزیشن ارکان دے مستعفی ہون تے حمزہ شہباز نوں پی اے سی ون دی چیئرمین شپ دین دے مطالبے دا جائزہ لوے گی۔ وزیر قنون بشارت راجہ، وزیر پراسیکیوشن چودھری ظہیر الدین تے وزیر ٹرانسپورٹ جہانزیب خان کھچی حکومت دی نمائندگی کرن گے جد کہ اپوزیشن ولوں چودھری اقبال، سمیع اللہ خان تے ملک ندیم کامران کمیٹی وچ شامل نیں۔پنجاب اسمبلی سیکرٹریٹ نے کمیٹی دی تشکیل دا باضابطہ نوٹیفکیشن وی جاری کر دتا اے۔