بی آر ٹی منصوبے وچ کوئی تاخیر نہیں ہوئی، نیب دسے کتھے کرپشن ہوئی: شوکت یوسفزئی

پشاور: خیبر پختونخوا دے وزیر اطلاعات شوکت یوسفزئی آکھیا اے نیب نوں آفر کرنے آجان تے دسن بی آر ٹی وچ کتھے کرپشن ہوئی، بی آر ٹی فرانزک آڈٹ دا فیصلہ شفافیت لئی کیتا۔ صوبائی وزیر اطلاعات شوکت یوسفزئی دا میڈیا نال گل کردیاں کہنا سی بی آر ٹی منصوبے وچ کوئی تاخیر نہیں ہوئی، ایشین ڈویلپمنٹ بینک دی مدت پہلاں ای توں تن ورھے دی سی، بی آر ٹی منصوبے دے آر ٹی ایس تے ٹکٹنگ تے کم جاری اے۔

اوہناں آکھیا بی آر ٹی لاگت وچ 3ارب روپے دا وادھا ہویا اے، بی آر ٹی کوریڈور دی لاگت 29توں 32ارب روپے تک اپڑ گئی، اوہناں دا کہنا سی حکومت تے کوئی اضافی بھار نہیں آیا، ڈالر دی قیمت ودھن نال منصوبے وچ 3ارب روپے دی بچت ہوئی اے۔