پارٹی فنڈنگ دی تحقیقات، سکروٹنی کمیٹی دا ن لیگ نوں سوالنامہ، جواب طلب

اسلام آباد: الیکشن کمیشن دی سکروٹنی نے مسلم لیگ (ن) نوں سوالنامہ دے کے جواب طلب کر لیا۔ الیکشن کمیشن دی سکروٹنی کمیٹی دا ن لیگ دی پارٹی فنڈنگ دی تحقیقات دے حوالے نال اجلاس ہویا جہدے وچ مسلم لیگ (ن) توں جواب طلب کر لیا گیا۔

ن لیگ دی پارٹی فنڈنگ دی تحقیقات لئی سکروٹنی کمیٹی دا اجلاس دوبارہ جمعہ نوں ہووے گا۔

لیگی رہنما محسن شاہنواز رانجھا آکھیا مسلم لیگ (ن) نے ساری تفصیلات الیکشن کمیشن نوں فراہم کیتیاں نیں، فرخ حبیب دی درخوت چور دی داڑھی وچ تنکے دے برابر اے، تحریک انصاف نے الیکشن کمیشن نوں غیر فعال کرن دی کوشش کیتی اے، چور دے پھڑے جان دا ویلا آ چکیا اے۔پارلیمانی سیکرٹری برائے ریلوے فرخ حبیب دا کہنا سی اج مسلم لیگ (ن) دی پارٹی فنڈنگ بارے 24ویں سماعت ہوئی، اوہ ہمیشہ کمیٹی وچ جواب دین توں گریزاں رہی، پاناما وانگوں ایس کیس وچ وی ن لیگ نے بھجن دی کوشش کیتی، پاناما کیس دی طرح اج الیکشن کمیشن دی سکروٹنی کمیٹی نے ن لیگ توں رسیداں منگ لئیاں نیں۔

اپنا تبصرہ گھلو