سپریم کورٹ نے آرمی چیف دی مدت وچ توسیع داحکم معطل کر دتا درخواست واپس لین دی استدعارد ،آ رمی چیف سنے سارے فر یقین نوں نو ٹس جا ری

کابینہ دی اکثریت نے آرمی چیف دی توسیع اتے کوئی رائے نہیں دتی، وزیراعظم نوں آرمی چیف تعینات کرن دا اختیارنہیں، چیف جسٹس اسلام آباد(بیورو رپورٹ) سپریم کورٹ نے آرمی چیف جنرل قمر جاوید باجوہ دی مدت ملازمت وچ توسیع داحکم ا ج بد ھ تیک معطل کرکے آ رمی چیف سنے سارے فر یقین نوں نو ٹس جا ری کر دتے ۔سپریم کورٹ وچ آرمی چیف دی مدت ملازمت وچ توسیع دے خلاف درخواست دی سماعت ہوئی۔

درخواست گزار نے آرمی چیف دی مدت وچ توسیع دے خلاف درخواست واپس لین دی استدعا کیتی۔عدالت نے کیس واپس لین دی استدعارد کردیاں ہویاں آکھیا اے کہ کیس واپس لین لئی ہتھ دے نال لکھی درخواست دے نال کوئی بیان حلفی نہیں’ معلوم نہیں مقدمہ آزادانہ طور تے واپس لیا جارہیا اے یا نہیں۔

اٹارنی جنرل نے دسیا کہ 29 نومبر نوں آرمی چیف ریٹائرڈ ہو رہے نیں، ایہناں دی مدت ملازمت وچ توسیع دا نوٹیفکیشن صدر مملکت دی منظوری دے بعد جاری ہوچکیا اے۔

چیف جسٹس نے آکھیا کہ صدر دی منظوری تے نوٹیفکیشن وکھائو۔ اٹارنی جنرل نے دستاویزات تے وزیراعظم دی صدر نوںسفارش عدالت وچ پیش کیتی۔چیف جسٹس نے آکھیا اے کہ کابینہ دی اکثریت نے آرمی چیف دی توسیع اتے کوئی رائے نہیں دتی، وزیراعظم نوں آرمی چیف تعینات کرن دا اختیارنہیں،ایہہ کیہ ہویا پہلاں وزیراعظم نے توسیع دا لیٹر جار یکردتا فیر وزیراعظم نوں دسیا گیا توسیع تساں نہیں کرسکدے۔

آرمی چیف دی توسیع دا نوٹیفکیشن 19 اگست دا اے، 19 اگست نوں نوٹیفکیشن ہویا تے وزیر اعظم نے کیہ 21 اگست نوں منظوری دتی۔نال ای عدالت نے آرمی چیف سنے سارے فریقین نوں نوٹسز جار ی کرکے کیس دی سماعت اج بدھ تیک ملتوی کردتی۔