امریکی اعتراض رد، چین دا پاکستان دے نال کم جاری رکھن دے عزم دا اعادہ

بیجنگ: چین نے اک واری فیر سی پیک تے امریکی اعترضات نوں رد کردیاں پاکستان دے نال کم جاری رکھن دے عزم دا اعادہ کیتا اے۔

بین الاقوامی خبر رساں ادارے دے مطابق امریکی وزارت دفاع دے ترجمان جینگ شوانگ نے سماجی رابطے دی ویب سائٹ ٹویٹر تے اپنے بیان وچ اک واری فیر پاک چین اقتصادی راہداری تے امریکا دے اعتراضات نوں دوٹوک انداز وچ رد کر دتا اے۔

جینگ شوانگ نے ہور آکھیا پاکستان تے چین پہلاں ای امریکی اعتراض نوں بے بنیاد تے بلاجواز قرار دے چکے نیں، چین سی پیک دی تکمیل لئی پاکستان دے نال رل کے کم کردا رہوے گا۔

ترجمان وزارت خارجہ آکھیا امریکی حکومت دے کجھ عناصر پران تے سکرپٹ تے پرانے پلاٹ تے کہانیاں بنا رہے نیں، پہلاں وی اجہے شو فلاپ ہو چکے نیں تے ہن وی ایہناں نوں کجھ فائدہ نہیں ہووے گا۔ ایس توں پہلاں چینی سفیر ژاؤ جنگ نے وی سی پیک وچ کرپشن دے امریکی الزامات نوں رد کردیاں آکھیا سی امریکی ڈپٹی اسٹیٹ سیکرٹری نے سی پیک تے بے بنیاد الزامات لاگو کیتے نیں، ایس قسم دی گل کرن توں پہلاں سوچنا چاہیدا اے تے احتیاط نال کم لینا چاہیدا اے۔