آرمی چیف دی مدت ملازمت وچ توسیع دا معاملہ، بھارتی میڈیا شادیانے وجان لگا

اسلام آباد: باجوہ ڈاکٹرائن توں پریشان بھارتی حکومت تے میڈیا آرمی چیف قمر جاوید باجوہ دی مدت ملازمت وچ توسیع دا معاملہ سپریم کورٹ وچ جان تے خوشی دے شادیانے وجان لگا۔

آرمی چیف قمر جاوید باجوہ نے تعیناتی دے بعد کجھ اہداف مقرر کیتے جہڑے باجوہ ڈاکٹرائن کہلائے۔ ایس ڈاکٹرائن دے تحت سکیورٹی پالیسی دوبارہ تشکیل دین لئی اقدامات کیتے گئے، جنرل باجوہ نے سعودی عرب، ایران، قطر تے امریکا نال یاری دے رشتے وچ رکاوٹاں دور کیتیاں۔

ایس ڈاکٹرائن دے تحت جوابی نہیں پیشگی کاروائی دی بنیاد تے ات گردی دے خاتمے لئی فروری 2017وچ آپریشن ردالفساد دا آغاز ہویا، آپریشن ردالفساد دے وڈے اہداف وچ ملک توں دہشت گرداں دے سلیپر سیلز تے سہولت کاراں دا خاتمہ وی شامل سی۔