نوازشریف نال علاج لئی امریکا جان دی گل کیتی اے: حسین نواز

لندن: نوازشریف دے پُتر حسین نواز آکھیا اے اوہناں نے نوازشریف نال علاج لئی امریکا جان دی گل کیتی اے۔ لندن وچ میڈیا نال گل کردیاں حسین نواز آکھیا ڈاکٹراں ولوں اجے نوازشریف دی بیماری دی تشخیص چل رہی اے، ایس لئی اجے ایتھوں دے ڈاکٹراں دی ایس حوالے نال رائے ساہمنے نہیں آئی، سابق وزیراعظم دی بیماری دی تشخیص تے علاج معالجہ اکٹھیاں چل رہیا اے۔

حسین نواز دا کہنا سی نوازشریف جمعرات نوں چیک اپ لئی فیر ہسپتال جان گے، اگلے کجھ دناں وچ نوازشریف نوں کئی واری ہسپتال جانا ہووے گا تے اوہناں دے بون میرو دے ٹیسٹ ہون گے، میرے ذاتی خیال وچ نوازشریف نوں امریکا جا کے اپنی کئی بیماریاں دا علاج کرانا چاہیدا اے۔

ایس سلسلے وچ نوازشریف تے دوجے اہل خانہ نال وی گل کیتی اے۔

قوم نوازشریف لئی دعا کرے ۔