طالبان نال امن مذاکرات بحال کر دتے، ٹرمپ دا غیر اعلانیہ دورہ افغانستان تے اعلان

کابل: امریکی صدر ٹرمپ دا افغانستان دا سرپرائز وزٹ، کہندے نیں طالبان نال امن مذاکرات بحال کر دتے۔

پہلاں اسیں سیز فائر چاہنے ساں، طالبان نہیں من رہے سن، ہن اوہ سیز فائر چاہندے نیں، اسیں ویکھاں گے پر ایہ حقیقی ڈیل ہونی چاہیدی اے۔

امریکی صدر ٹرمپ دا غیر اعلانیہ دورہ افغانستان، سرپرائز وزٹ دے ٹرمپ نے افغان صدر اشرف غنی نال وی ملاقات کیتی۔ دوواں رہنماواں نے طالبان نوں امن معاہدے لئی اک ہور موقع دین تے اتفاق کیتا۔

صدر ٹرمپ آکھیا امریکہ نے طالبان دے نال امن مذاکرات دا عمل بحال کر دتا اے۔

امریکی فوجاں مکمل فتح یاں ڈیل تک افغانستان وچ ای رہن گیاں۔ افغان صدر اشرف غنی آکھیا طالبان امن معاہدے وچ سنجیدہ نین تے جنگ بند کرنی ہووے گی۔

اوہناں دا ہور کہنا سی طالبان ایس گل نوں یقینی بنان کہ افغانستان توں باہر دہشت گرداں دے ٹھکانے ختم کرنے ہون گے۔ جنرل مارک ملی نے آکھیا ٹرمپ دا افغانستان وچ فوجیاں دی تعداد ساڈھے 8ہزار تک لیان دا منصوبہ اے۔

آس اے انٹرا افغان گل بات جلدی شروع ہو وے گی۔

امریکی صدر ڈھائی گھنٹے تک افغانستان دی سرزمین تے رہے، اوہناں نے تھینکس گونگ ڈے دے موقع تے کیتے گئے ایس دورے وچ امریکی فوجیاں دے نال ڈنر وی کیتا۔

اپنا تبصرہ گھلو