وزیراعظم عمران خان ایس مہینے 3ملکاں دا دورہ کرن گے: ذرائع

اسلام آباد: وزیراعظم عمران خان ایس مہینے بحرین، سوئٹزر لینڈ تے ملائیشیا دا دورہ کرن گے۔ وسیلیاں دے مطابق وزیراعظم عمران خان 16 توں 17دسمبر بھرین دا دورہ کرن گے۔

وزیراعظم دورہ بحرین وچ بحرین دے شاہ حماد بن عیسیٰ الخلیفہ نال ملاقات کرن گے تے بحرین دے قومی دن دیہاڑ دی تقریبات وچ بطور پروہنے رلت کرن گے۔ ایس موقع تے اوہناں نوں بحرین دا اعلیٰ ترین سول اعزاز وی دتا جاوے گا۔

ایہدے بعد وزیراعظم عمران خان بحرین توں سوئٹزر لینڈ جان گے جتھے اوہ جنیوا وچ 18توں 19دسمبر نوں منعقدہ عالمی پناہ گزین سمٹ وچ رلت کرن گے۔عمران خان اقوام متحدہ دے زیراہتمام کانفرنس نال خطاب وی کرن گے۔

وزیراعظم عمران خان 19توں 20دسمبر نوں ملائیشیا دا دورہ کرن گے جتھے اوہ کوالالمپور سربراہی کانفرنس وچ رلت کرن گے، ایس موقع تے اوہناں دا کانفرنس نال خطاب وی ہووے گا۔

اپنا تبصرہ گھلو