ہوم گراؤنڈ تے خامیاں نوں دور کرن دی پوری کوشش کراں گے: اظہر علی

راولپنڈی: کپتان قومی ٹیسٹ کرکٹ ٹیم اظہر علی دا کہنا اے ہوم گراؤنڈ تے کھیڈ رہے آں ایس لئی پوری کوشش کراں گے جہڑی کمی اے ایہنوں دور کریئے۔

راولپنڈی کرکٹ سٹیڈیم وچ سری لنکن کپتان دے نال سانجھی پریس کانفرنس کردیاں کپتان قومی ٹیسٹ کرکٹ ٹیم اظہر علی دا کہنا سی خوشی اے کہ 10ورھیاں بعد ٹیسٹ کرکٹ پاکستان وچ واپس آئی تے گراؤنڈز دیاں رونقاں بحال ہوئیاں، آسٹریلیا وچ اسیں چنگی طرح پرفارم نہیں کر سکے، ہن ہوم گراؤنڈ تے کھیڈ رہے آں تے پوری کوشش کراں گے کہ جہڑی کمی اے ایہنوں دور کریئے۔

اظہر علی آکھیا کوشش کر رہیا آں اپنی فارم بحال کرکے وڈا سکور کراں، جے کپتان چنگا پرفارم کرے تے دوجے کھڈاریاں نوں وی حوصلہ ہوندا اے، پریشر نوں ہینڈل کرن دی کوشش کرنی ہووے گی، اوہناں آکھیا سلیکشن کمیٹی تے کپتان ساتھ نیں، سری لنکا نوں آسان نہیں لیا جا سکدا، اوہناں دی بولنگ تے بیٹنگ چنگی اے۔