سرکار نے مہنگائی ودھن تے افراط زر وچ وادھے دا اعتراف کر لیا

اسلام آباد: سرکار نے قومی اسمبلی وچ مہنگائی ودھن دا اعتراف کردیاں عذر وی پیش کردتیجد کہ وزارت خزانہ ولوں دسیا گیا کہ سرکاری گڈیاں دی مرمت تے کروڑاں روپے اخراجات آئے ،قومی اسمبلی دے وقفہ سوالات وچ سرکارنے اعتراف کیتا کہ جولائی تا دسمبر مہنگائی وچ وادھا ہویا۔

سویا بین، خام تیل، دالاں تے پام آئل دیاں قیمتاں وچ وادھا، بجلی گیس دیاں قیمتاں وچ ردوبدل، ڈیڑھ ارب دی تنوراں نوں سبسڈی تے 226 ارب روپے دی بجلی دے لائف لائن صارفین نوں سبسڈی مہنگائی دی وجہ بنی، 14.9 فیصد تک مہنگائی ریکارڈ کیتی گئی۔

ایوان نوں دسیا گیا کہ وزارت خزانہ تے ماتحت اداریاں نے پنج ورھے وچ 1909 سرکاری گڈیاںدی مرمت تے 195 کروڑ 64 لکھ روپے توں ودھ خرچ کیتے۔وزارت خزانہ دی 31 گڈیاں دی مرمت تے 4 کروڑ 68 لکھ، ملٹری فنانس ونگ دی تن گاڑیاں تے 10 لکھ 29 ہزار، آڈیٹر جنرل دی 198 گاڑیاں تے 4 کروڑ 64 لکھ توں ودھ خرچ ہوئے۔

خزانہ ڈویژن دے تحریری جواب وچ دسیا گیا کہ نیشنل سیونگ دی 61 گڈیاں تے 2 کروڑ 5 لکھ روپے تے ایس ای سی پی دی 14 گڈیاں تے31 لکھ روپے خرچ ہوئے۔ایسے زرعی ترقیاتی بین دی 54 گڈیاں تے اک کروڑ 92 لکھ تے نیشنل بینک دی 58 گڈیاں تے 4 کروڑ 94 لکھ روپے خرچ ہوئے۔ ایف بی آر دی 1490 گڈیاں دی مرمت تے اک ارب 77 کروڑ روپے توں ودھ خرچ ہوئے۔

اپنا تبصرہ گھلو