بلاول دے اثاثیاں بارے گوشواریاں وچ تضاد، الیکشن کمیشن نے طلب کر لیا

اسلام آباد: الیکشن کمیشن نے چیئرمین پیپلزپارٹی بلاول بھٹو زرداری نوں اوہناں دے گوشواریاں وچ تضاد تے 14جنوری نوں طلب کر لیا اے۔

الیکشن کمیشن نے بلاول بھٹو دے خلاف کرپٹ پریکٹسز دے تحت کاروائی شروع کر دتی اے تے ایس حوالے نال الیکشن کمیشن نے چیئرمین پیپلزپارٹی نوں نوٹس جاری کردیاں 14جنوری نوں طلب کر لیا اے۔

وسیلیاں دا کہنا اے بلاول نوں اوہناں دے گوشواریاں وچ تضاد تے طلب کیتا گیا اے، اوہناں نوں کئی واری گوشواریاں وچ تضاد دور کرن دا موقع فراہم کیتا گیا سی، نوٹس وچ آکھیا گیا اے بلاول بھٹو 14جنوری نوں ذاتی حیثیت وچ یاں بذریعہ وکیل پیش ہون۔ بلاول بھٹو ولوں الیکشن کمیشن دے دائرہ اختیار تے وی اعتراض کیتا گیا سی۔

اپنا تبصرہ گھلو