حیدرآباد وچ گھر وچ گیس بھرن نال 2بالاں سنے 4بندے جاں بحق

حیدر آباد: لطیف آباد وچ گھر وچ گیس بھرن نال دم گھٹن دی وجہ توں 2بالاں سنے 4بندے جاں بحق ہو گئے۔

حیدر آباد دے علاقے لطیف آباد یونٹ نمبر 12وچ تن منزلہ عمارت وچ گیس لیکج دی وجہ توں کمرے وچ گیس بھرن نال 2بالاں سنے 4بندے جاں بحق ہو گئے، پلس دے مطابق لواحقین نے اہل خانہ دے نہ اُٹھن تے کمرے دا بوہا توڑیا تے کمرے وچ دھواں بھریا ہویا سی، بالاں دے پیو تے دوواں بال مر چکے سن جد کہ ماں نوں تشویشناک حالت وچ ہسپتال منتقل کیتا گیا۔ پلس دے مطابق ہسپتال اپڑن دے بعد بالاں دی ماں وی جاں بحق ہو گئی، گیس لیکج دی وجہ توں دم گھٹن نال جاں بحق بندیاں وچ وقاص سید تے اوہدی بیوی شبانہ جد کہ 6سالہ دھی وانیہ تے 2سالہ پتر مہراب شامل نیں۔