شاہ محمود دا عراقی ہم منصب نال رابطہ، خطے وچ امن و امان تے تبادلہ خیال

اسلام آباد: وزیر خارجہ شاہ محمود قریشی نے عراقی ہم منصب محمد علی الحکیم نال ٹیلیفونک رابطہ کیتا جہدے وچ ایران امریکا کشیدگی سنے خطے وچ امن و امان دی صورتحال تے تبادلہ خیال کیتا گیا۔

ایس موقع تے وزیر خارجہ شاہ محمود قریشی دا کہنا سی خطے وچ ودھدی ہوئی کشیدگی تے گہری تشویش اے، خطہ کسے نویں محاذ آرائی دا متحمل نہیں ہو سکدا، فریقین معاملات بین الاقوامی قوانین دی روشنی وچ حل کرن، فریقین نوں ملکی خود مختاری تے سالمیت دے تحفظ نوں ملحوظ خاطر رکھنا چاہیدا اے، گل بات دا ماحول پیدا کرن لئی کشیدگی وچ کمی لیانا ہووے گی۔

ایس توں پہلاں شاہ محمود قریشی نال اسلام آباد وچ نویں ایرانی سفیر سید محمد علی حسینی نے ملاقات کیتی جہدے وچ ایران امریکا کشیدگی تے خطے وچ امن و امان دی صورتحال تے تبادلہ خیال کیتا گیا۔

اپنا تبصرہ گھلو