نوشہرہ ڈرائی پورٹ دا افتتاح، خواجہ سعید تے مریم اورنگزیب دا سرکار تے طنز تے تنقید

اسلام آباد: سعد رفیق کہندے نیں پی ٹی آئی سرکار نے اضاخیل ڈرائی پورٹ دے منصوبے نوں انا دی بھینٹ چڑھایا جد کہ مریم اورنگزیب نے دعویٰ کیتا منصوبے دا نوے فیصد کم لیگی دور وچ مکمل ہویا۔ خواجہ سعد رفیق دا کہنا سی اضاخیل ڈرائی پورٹ دی تعمیر وچ ڈیڑھ سال دی تاخیر دی ذمہ دار پی ٹی آئی سرکار اے۔

لیگی دور دے منصوبیاں تے تختیاں لا کے تے تاڑیاں وجا کے عوام نوں بے وقوف بنایا جا رہیا اے۔

سابق وزیر ریلوے آکھیا اپنی نالائقی تے شرمندگی دے بجائے اترانا تحریک انصاف دا طرہ امتیاز اے۔ اودھر ترجمان ن لیگ مریم اورنگزیب نے اپنے بیان وچ آکھیا ڈرائی پورٹ دی بنیاد نواز شریف نے رکھی۔

عمران خان نے ایہنوں سولہ مہینے وچ تباہ کر دتا۔ اجے تک لیگی دور دے منصوبیاں ورگا اک وی شروع نہیں کر سکے۔

خیبر پختونخوا چھ سال دے دوران اضاخیل ڈرائی پورٹ ورگا اک منصوبہ وکھا دین؟ عمران خان دی قابلیت پشاور میٹرو دے سو ارب روپے دے کھڈیاں توں عیاں اے۔