پاکستانی سرزمین کسے دے خلاف استعمال نہیں ہووے گی: دفتر خارجہ

اسلام آباد: دفتر خارجہ آکھیا اے پاکستان خطے وچ کشیدگی نہیں چاہندا تے پاکستانی سرزمین کسے دے خلاف استعمال نہیں ہووے گی۔ وزیر خارجہ شاہ محمود قریشی دے دورہ ایران تے سعودی عرب بارے دفتر خارجہ نے اپنے بیان وچ آکھیا اے وزیر خارجہ شاہ محمود قریشی نے وزیراعظم عمران خان دی ہدایت تے 2روزہ دورہ ایران کیتا اے جہدا مقصد خطے وچ امریکا ایران کشیدگی دا خاتمہ تے دیرپا امن دا قیام اے۔

ترجمان دفتر خارجہ دا کہنا سی وزیر خارجہ شاہ محمود قریشی نے ایرانی صدر تے ہم منصب نال ملاقاتاں کیتیاں جہناں وچ مشرق وسطیٰ، خلیج دی صورتحال تے دوطرفہ تعلقات تے تبادلہ خیال ہویا۔ وزیر خارجہ شاہ محمود قریشی نے ایرانی قیادت نوں پاکستانی موقف توں آگاہ کیتا کہ پاکستان کشیدگی نہیں چاہندا، پاکستانی سرزمین کسے دے خلاف استعمال نہیں ہووے گی۔ ایرانی قیادت نے کشیدگی وچ کمی، دیرپا امن لئی وزیراعظم دیاں کاوشاں نوں وی سراہیا۔