ایل این جی ریفرنس: مفتاح اسماعیل نوں حاضری توں پکی چھوٹ مل گئی

اسلام آباد: ایل این جی ریفرنس دا ٹرائل شروع ہون توں پہلاں ای چار ملزمان وڈا ریلیف لین وچ کامیاب، سابق وزیر خزانہ مفتاح اسماعیل نوں حاضری توں چھوٹ مل گئی۔

اسلام آباد دی احتساب عدالت دے جج محمد اعظم نے مفتاح اسماعیل دے نال ملزم حسین داؤد، آغا جان تے عبداللہ داؤد دی حاضری توں پکی چھوٹ دی عرضی منظور کر لئی۔ عدالت نے سارے ملزماں نوں اک اک کروڑ روپے دے مچلکے جمع کران دا حکم دتا۔ مفتاح اسماعیل ضمانت منظوری تے اک کروڑ روپے دے ضمانتی مچلکے جمع کروا چکے نیں۔