الیکشن کمیشن: بلاول بھٹو نوں گوشواریاں وچ تضاد 15دناں وچ دور کرن دی ہدایت

اسلام آباد: الیکشن کمیشن نے پاکستان پیپلزپارٹی دے چیئرمین بلاول بھٹو زرداری نوں گوشواریاں وچ تضاد 15دناں وچ دور کرن دی ہدایت کر دتی۔ قائم مقام چیف الیکشن کمشنر دی سربراہی وچ دو رکنی کمیشن نے بلاول بھٹو دے الیکشن کمیشن وچ جمع کرائے گئے گوشواریاں وچ تضاد دے معاملے تے سنوائی کیتی۔

بلاول بھٹو ولوں فاروق ایچ نائیک الیکشن کمیشن دے ساہمنے پیش ہوئے تے الیکشن کمیشن دے اختیار تے اعتراض کیتا۔

وکیل دا کہنا سی الیکشن ایکٹ دے تحت الیکشن کمیشن گوشواریاں وچ تضاد تے کاروائی نہیں کر سکدا۔ ممبر الیکشن کمیشن ارشاد قیصر ریمارکس دتے جے کوئی رکن اثاثہ جات لُکائے یاں غلط بیانی کرے تے کرپٹ پریکٹسز دے تحت کاروائی بن دی اے۔

وکیل دا کہنا سی الیکشن کمیشن تضاد تے صرف وضاحت منگ سکدا اے، اثاثہ جات وچ تضاد نوں کرپٹ پریکٹسز دا ساتھ جوڑنا ٹھیک نہیں۔ بعدوں الیکشن کمیشن نے بلاول بھٹو دے وکیل نوں گوشواراں وچ تضاد 15دناں وچ تضاد دور کرن دی ہدایت کردیاں ہوئیاں سماعت 6فروری تک ملتوی کر دتی۔

اپنا تبصرہ گھلو