وزیراعظم دا آسٹریلوی ہم منصب نوں خط، آتشزدگی نال جانی نقصان تے اظہار افسوس

اسلام آباد: وزیراعظم عمران خان نے آسٹریلوی وزیراعظم سکاٹ موریسن نوں خط لکھیا اے جہدے وچ آسٹریلیا دے جنگلاں وچ لگن والی اگ نال جانی و مالی نقصان تے افسوس تے رنج و غم دا اظہار کیتا اے۔ وزیراعظم عمران خان دا آسٹریلوی ہم منصب نوں لکھے گئے خط وچ کہنا سی ماحولیاتی تبدیلی دے چیلنج دا مقابلہ کلیاں کوئی اک ملک نہیں کر سکدا، ایس سلسلے وچ پاکستان، آسٹریلیا دی ہر ممکن مدد کرن لئی تیار اے۔

واضح رہوے آسٹریلیا دے جنگلات وچ لگن والی اگ وڈے پیمانے تے پھیل گئی سی جہدی زد وچ آکے درجناں انسان تے 48کروڑ جانور ہلاک ہو گئے، اگ نال 30لکھ ہیکٹر دا علاقہ سڑ کے خاک ہو گیا جہدے نال علاقائی درجہ حرارت وچ وی وادھا ہویا اے۔