سول ایوی ایشن دی چنگی کارکردگی لئی آپریشنل تے انتظامی امور وکھرا وکھرا کرن دا فیصلہ

اسلام آباد: سرکار نے سول ایوی ایشن دی کارکردگی چنگی بنان لئی آپریشنل تے انتظامی امور وکھرے وکھرے کرن دا فیصلہ کر لیا، آرڈیننس دی تیاری وی شروع کر دتی گئی۔

ایوی ایشن دی تقسیم دے پلان دے مطابق ریگولیٹری تے سروس ڈویژنز نوں وکھرا کر دتا جاوے گا، ایس ویلے اتھارٹی دی مجموعی اثاثیاں دی مالیت 6کھرب 56کروڑ توں ودھ اے جہدے وچ کراچی وچ سول ایوی ایشن دے اثاثیاں دی مالیت 2کھرب 68ارب، اسلام آباد وچ 1کھرب 85ارب، لہور وچ 1کھرب 36ارب، ملتان وچ 17ارب 73کروڑ دے اثاثے نیں۔

ایسے طرح پشاور وچ 5ارب 99کروڑ، کوئٹہ وچ سول ایوی ایشن اثاثیاں دی مالیت 3ارب 84کروڑ تے گوادر وچ 4ارب 54کروڑ دے اثاثے نیں۔

سول ایوی ایشن اثاثیاں وچ 44ایئر پورٹاں سنے ہیڈ آفس تے ریجنل دفاتر شامل نیں۔

اپنا تبصرہ گھلو