مسلم لیگ ق نے سرکار توں تحریری معاہدے تے عملدرآمد دا مطالبہ کر دتا


لہور: حکومتی کمیٹی تے مسلم لیگ ق دے مذاکرات دی اندرلی کہانی ساہمنے آ گئی اے۔ ق لیگ نے کمیٹی نوں تحریری معاہدے دی کاپی فراہم کردیاں ایہدے تے عملدرآمد دا مطالبہ کر دتا اے۔ وسیلیاں دے مطابق وزیراعلیٰ پنجاب عثمان بزدار نے تسلیم کیتا اے ق لیگ دے نال سرکار دا تحریری معاہدہ ہویا اے۔

اوہناں نے چیف سیکرٹری تے آئی جی نوں ق لیگ نال ورکنگ ریلیشن شپ بہتر بنان دی وی ہدایت کیتی۔ وزیراعلیٰ عثمان بزدار آکھیا مسلم لیگ ق ساڈی قابل اعتماد اتحادی جماعت اے، ایہدے نال کیتے وعدے پوراے کراں گے۔ خیال رہوے حکومتی مذاکراتی کمیٹی نے مسلم لیگ ق دے وفد نال اہم ملاقات کیتی۔

حکومتی وفد وچ وزیراعلیٰ عثمان بزدار، جہانگیر ترین تے پرویز خٹک جد کہ مسلم لیگ ق دے وفد وچ طارق بشیر چیمہ، مونس الٰہی تے چودھری سالک شریک سن۔ ملاقات دے بعد جہانگیر ترین دا کہنا سی جی ڈی اے تے بی این پی مینگل نال ملاقاتاں نیں، حکومت 2023ء تک انج ای چلدی رہوے گی۔

ساڈی حکومت نوں ایس ویلے کوئی مشکل پیش نہیں آ رہی۔ ایم کیو ایم کابینہ توں وکھری ہوئی حکومت توں نہیں، اوہناں دے رہنماواں دے نال رابطے جاری نیں، اوہ کابینہ وچ واپس آن گے۔

اپنا تبصرہ گھلو