نوازشریف دیاں رپورٹاں وچ اوہناں دے علاج دا کجھ پتہ نہیں: یاسمین راشد

ملتان: صوبائی وزیر صحت پنجاب یاسمین راشد دا کہنا اے سابق وزیراعظم نوازشریف دی رپورٹاں وچ اوہناں دے علاج دا کجھ پتہ نہیں۔

ملتان وچ میڈیا نال گل کردیاں صوبائی وزیر صحت پنجاب یاسمین راشد آکھیا نوازشریف اک قیدی سن اوہناں نوں علاج و معالجہ دے سلسلے وچ باہر گھلیا گیا، میں ڈاکٹر عدنان نوں فون کیتا تے آکھیا تسیں مینوں کیوں رپورٹا نہیں گھل رہے جہدے تے ڈاکٹر عدنان آکھیا رپورٹاں گھل دیواں گے۔

یاسمین راشد آکھیا نوازشریف پاکستان توں باہر گئے تے اوہناں نوں اجازت دتی گئی، نوازشریف نوں کجھ ہفتے دتے گئے تاں جے اوہ علاج کرا لین، 25دسمبر نوں خواجہ حارث نے رپورٹاں جمع کرائیاں جد کہ 3جنوری نوں جدوں اسیں رپورٹاں ویکھیاں تے اجیہا کجھ نہیں سی کہ اوتھے کیہ علاج ہویا۔