وزیراعظم دا سوا لکھ توں ودھ سرکاری آسامیاں تے بھرتی دا حکم

اسلام آباد: وزیراعظم عمران خان نے دیس بھر وچ سوا لکھ توں ودھ سرکاری آسامیاں تے فوری طور تے بھرتیاں دا حکم دے دتا اے۔ پی ایم ڈلیوری یونٹ نے وزارتاں تے محکمیاں دی استعداد کار تے رپورٹ تیار کرکے تفصیلات وزیراعظم نوں پیش کردتیاں جہدے مطابق وزارتاں تے محکمیاں دی غفلت دی وجہ توں سوا لکھ توں ودھ سرکاری نوکریاں بھرتی دی منتظر نیں۔ 35وزارتاں وچ اک لکھ 29ہزار آسامیاں خالی نیں جہناں وچوں چار ہزار آسامیاں فیڈرل پبلک سروس کمیشن دے راہیں پُر ہونیاں نیں۔

وزیراعظم عمران خان نے وزارتاں نوں خالی آسامیاں فوری پُر کرن دی ہدایت کر دتی۔ رپورٹ دے مطابق گریڈ 21 تے گریڈ 22 دی 96 آسامیاں خالی نیں، گریڈ 8 توں گریڈ 15 تک دی 41 ہزار، گریڈ اک توں گریڈ 7 تک دی 51 ہزار جد کہ گریڈ 16 توں گریڈ 22 دی 13 ہزار421 پوسٹاں تے کوئی افسر تعینات نہیں۔واضح رہوے وفاقی حکومت نے ایہناں آسامیاں دی تفصیلات تے اوہناں نوں پُر کرن لئی وزارتاں نوں ریڈ لیٹڑ وی جاری کیتے سن۔

اپنا تبصرہ گھلو