ورکرز ریلفیئر فنڈز کیس: حکومتی مشینری کیوں کم نہیں کر رہی؟ سپریم کورٹ

اسلام آباد: سپریم کورٹ نے ورکرز ویلفیئر فنڈز کیس وچ سندھ تے بلوچستان حکومت توں پیشرفت رپورٹ طلب کر لئی۔ چیف جسٹس نے وفاقی حکومت تے برہمی دا اظہار کردیاں ریمارکس دتے حکومتی مشینری کم کیوں نہیں کر رہی؟ افسران پیسے دبا کے بیٹھے نیں، سیروتفریح ہو رہی اے۔

چیف جسٹس گلزار احمد نے دوران سماعت ریمارکس دتے خوامخواہ عدالت تے بھار پے گیا، افسران باہر گھوم رہے نیں، سیمینارز وچ رلت کردے نیں پر کم نہیں، کیہ ایس لئی بٹھایا کہ تنخواہ لین تے کم نہ کرن، کم نہیں کرنا تے عدالت دے کول مسئلے دا اک ای حل اے، عدالت آپ ورکراں وچ فنڈز تقسیم کر دیوے گی، فیر افسران بیٹھے رہن۔چیف جسٹس آکھیا فنڈز دا اجراء ازخود ہو جانا چاہیدا اے، ورکراں لئی کالونیاں بننی سی، حکومت نے اج تک کالونی نہیں بنائی، افسران پیسے جاری نہیں کر رہے، خیبر پختونخوا حکومت نے کالونی بنائی پر کہرے قنون دے تحت ملکیتی حقوق دتے؟ جسٹس اعجاز الاحسن آکھیا ورکراں نوں چیک دے اجراء وچ تاخیر کیوں کیتی جاندی اے؟ چیک دے اجراء دے بعد ای بچہ سکول جاندا اے تے بالاں دی شادی ہوندی اے۔

چیف جسٹس دا کہنا سی ایہ پیسہ وی دوجی سکیماں دی طرح تے نہیں تقسیم ہوندا۔

پنجاب حکومت دے وکیل چودھری فیصل نے دلائل دتے پنجاب وچ قنون دے مطابق فنڈز دی تقسیم ہو رہی اے۔

چیف جسٹس نے استفسار کیتا کیہ 18ویں ترمیم دے بعد وفاق فنڈز دا پیسہ اکٹھا کر سکدا اے؟ ایڈیشنل اٹارنی جنرل ساجد الیاس بھٹی آکھیا مشترکہ مفادات کونسل وچ طے ہویا کہ سارا پیسہ وفاق اکٹھا کرے گا۔ سندھ دے علاوہ سارے صوبیاں دا پیسہ وفاق اکٹھا کردا اے۔ عدالت نے سندھ حکومت توں ہائی کورٹ وچ زیر التوا مقدمیاں دی تفصیلات طلب کردیاں ہوئیاں سماعت تن ہفتیاں لئی ملتوی کر دتی۔