جعلی اکاؤنٹس کیس، آصف زرداری دے خلاف تیجا ریفرنس دائر

اسلام آباد: نیب نے جعلی اکاؤنٹس کیس وچ سابق صدر آصف زرداری دے خلاف تیجا ریفرنس دائر کر دتا۔ نیب نے جعلی اکاؤنٹس معاملے دے ہریش اینڈ کمپنی کیس وچ ضمنی ریفرنس دائر کر دتا۔ جہدے وچ سابق صدر آصف زرداری سنے 15ملزماں نوں نامزد کیتا گیا اے۔

جعلی اکاؤنٹس معاملے وچ آصف زرداری دے خلاف ایہ تیجا ریفرنس اے۔ ریفرنس وچ نیب دا موقف اے ہریش اینڈ کمپنی آصف زرداری دی کمپنی پارک لین اسٹیٹ دی فرنٹ کمپنی اے۔ ہریش اینڈ کمپنی نے سندھ حکومت توں غیر قنونی ٹھیکہ لیا، کاغذات وچ منصوبہ مکمل کیتا گیا جد کہ موقع تے کوئی کم ای نہیں ہویا، ہریش اینڈ کمپنی دے ٹھیکے دی رقم نوڈیرو ہاؤس دے اخراجات تے خرچ ہوئی۔

اپنا تبصرہ گھلو