مٹیاری وچ رشتے دے تنازع تے 6بندے قتل

مٹیاری: کھنڈو دے نواحی پنڈ وچ فائرنگ نال 6بندے جاں بحق تے 2زخمی ہو گئے۔ پلس دے مطابق سندھ دے شہر مٹیاری وچ رشتے دے تنازع تے بروہی برادری دے گروپ نے رند برادری دے 6بندیاں نوں فائرنگ کرکے قتل کر دتا۔

رند برادری نے لاشاں سڑک تے رکھ کے نیشنل ہائی وے تے احتجاجی دھرنا دے دتا۔ مظاہرین دا کہنا اے جدوں تک قاتلاں نوں گرفتار نہیں کیتا جاندا اوس ویلے تک احتجاج ختم نہیں کراں گے۔

احتجاج دی وجہ توں ٹریفک جام ہو گیا تے گڈیاں دی لمی لائناں لگ گئیاں۔

دو ورھے پہلاں رند برادری دے نوجوان مرتضیٰ نے بروہی برادری دی کُڑی نال محبت دی شادی کیتی سی جہدے بعد توں دوواں برادریاں وچ کشیدگی سی۔

اپنا تبصرہ گھلو