لندن پاکستانی سیاست دا مرکز بن گیا، چودھری نثار وی برطانیہ چلے گئے

راولپنڈی: لندن پاکستانی سیاست دا مرکز بن گیا، سابق وفاقی وزیر داخلہ چودھری نثار وی برطانیہ چلے گئے، اہم ملاقاتاں دا امکان اے۔

چودھری نثار پی آئی اے پرواز 785دے راہیں لندن روانہ ہوئے۔ چودھری نثار دی لندن وچ ذاتی مصروفیات نیں جہدے وچ خاندان دے دوجے بندے وی اوہناں دے نال ہون گے۔

لندن موجودگی دے دوران اوہناں دی نوازشریف دے نال ملاقات دی کوشش کیتی جاوے گی جہدے لئی شہباز شریف تے اسحاق ڈار راہ پکی کر رہے نیں۔

اسحاق ڈار، چودھری نثار نوں مشورہ دین گے کہ اوہ نوازشریف دی عیادت لئی اوہناں دی رہائش گاہ تے جان تے بیگم کلثوم دی وفات تے اوہناں دے نال تعزیت کرن، چودھری نثار جے ایہدے تے راضی ہو گئے تے برف پگھلنا شروع ہو جاوے گی۔

اپنا تبصرہ گھلو