شبر زیدی دی مشاورت نال نواں چیئرمین ایف بی آر لاواں گے: عبدالحفیظ شیخ

اسلام آباد: مشیر خزانہ عبدالحفیظ شیخ آکھیا اے چیئرمین ایف بی آر شبر زیدی دی مشاورت نال ایس عہدے لئی نویں تعیناتی کرن گے۔ مشیر خزانہ حفیظ شیخ دی زیر صدارت اسلام آباد وچ اجلاس ہویا جہدے وچ عوام لئی اشیائے خورونوش دے ریلیف پیکیج نوں حتمی شکل دتی گئی۔

ایس موقع تے میڈیا نال کردیاں مشیر خزانہ عبدالحفیظ شیخ نے چیئرمین ایف بی آر شبر زیدی دے حوالے نال وی گل کیتی۔

عبدالحفیظ شیخ آکھیا شبر زیدی میرے پسندیدہ بندے نیں، اوہناں دی طبیعت بہت خراب اے تے اوہ لمی چھڈیاں تے نیں، اوہناں دی واپسی دا فیصلہ ڈاکٹر کرے گا۔

عبدالحفیظ شیخ دا کہنا سی جے شبر زیدی دی طبیعت بہتر نہ ہوئی تے اوہناں دا متبادل ویکھاں گے، ایف بی آر دا نواں چیئرمین لبھیا تے شبر زیدی دی مشاورت نال کراں گے۔ اوہناں نے ہور آکھیا آئی ایم ایف دے نال مذاکرات چل رہے نیں۔